Vinna

Innflutningurin methøgur í 2022

Samlaði vøruinnflutningurin var 12,1 milliard krónur í 2022, hetta er 31% hægri enn í 2021.

2023-02-17 18:08

Jóanis Albert Nielsen

Hagstovan: Innflutningsvirðið á brennievni o.t. er vaksið 939 milliónir krónur í 2022, ella góð 70%. Sama tíðarskeið minkaði innflutta nøgdin av brennievni 12%. Eisini var stórur vøkstur í innflutninginum av tilfari 'til aðra framleiðslu' og 'til hav- og landbúnað'. Her vaks innflutningurin ávikavist 383 milliónir krónur og 239 milliónir krónur.

Vøruinnflutningur skiftur á høvuðsnýtslubólkar

Januar – desember 2021/2022

	januar – desember		munur
	2021	2022	mió. kr.	%

Tilsamans	9.283,5	12.133,6	2.850,1	30,7
Tilsamans uttan skip og flogfør	9.010,1	10.921,6	1.911,5	21,2
Til hav- og landbúnað	628,2	867,0	238,8	38,0
Rávøra til fiskavirking	626,9	695,1	68,2	10,9
Til byggivirki	826,8	1.003,5	176,7	21,4
Til aðra framleiðslu	2.085,3	2.468,3	383,0	18,4
Maskinur o.o. útgerð	1.000,1	1.046,6	46,5	4,6
Brennievni o.t.	1.340,8	2.280,2	939,4	70,1
Bilar o.o. flutningsfør	550,9	573,8	22,9	4,2
Til beinleiðis nýtslu	1.951,2	1.987,3	36,0	1,8
Skip, flogfør o.t.	273,4	1.212,0	938,6	343,3

Innflutningurin úr Evropa annars

Vanliga hava vit í Føroyum innflutt mest úr Norðurlondum. Í 2022 fór innflutningurin úr Evropa annars upp um Norðurlond. Vit innfluttu fyri knappar 5,2 milliardir krónur úr Norðurlondum og fyri góðar 5,2 milliardir krónur úr Evropa annars. Vøksturin í innflutninginum frá Evropa annars var 1,7 milliardir krónur, ella 48%, og vøksturin stavar í høvuðsheitum frá innflutningi av brennievni.

Nógv innflutt av tilfari til alivinnuna

Um sæð verður burtur frá brennievni, er innflutningsvirðið av tilfari til hav- og landbúnað lutfalsliga vaksið mest, nevniliga 38%. Innflutningurin av alifóðri er vaksin 161 milliónir krónur, ella 42% í 2022.

Vinarliga broyt tínar kennifíla - og privatlívsstillingar fyri at síggja hetta innihald