Gott útgangsstøði

HSF: Hóast greiða sigurin, so var dysturin ikki lýtaleysur. Føroysku kvinnurnar byrjaðu heldur stirvi. Úrtøkan úr góðu málmøguleikunum, sum okkara ferð eftir ferð komu til, var ov lág, ov illa varð brent. Verjan stóð tó hampuliga væl, men fingu føroysku málverjarnir ikki fatur á litavisku langskjúttunum. Litava var frammanfyri fyrstu 15 minuttirnar, áðrenn okkara bitu frá sær og komu fram um 15-11, sum var hálvleiksstøðan.

Sí myndir her.

Kenslan í hálvleikinum var, at nú var glið komið á. Tað gekk tó ein løta, áðrenn okkara veruliga løgdu sjógv í millum og leiðslan vaks. Jana Mittún, sum eisini var kosin til dagsin leikara eftir dystin, gekk á odda í føroyska álopinum saman við Mariu Pálsdóttir Nólsoy, sum eisini stóð seg væl við fleiri góðum gjøgnumbrotum.

Hoyr eisini: Karin: Man verður glaður at spæla her

Litava høvdu ilt við at finna loysnir móti stinnu føroysku verjuni, har serliga Brynja Høj og Pernille Brandenborg stóðu væl. Tá so Rakul Wardum fann nakrar bjargingar fram, fingu okkara fleiri løtt mál og stórsigurin á 36-26 var veruleiki. Rómurin í høllini var framúr allan dystin, ein fantastiskur heimavøllur hjá Føroyum.

Føroyska liðið ferðast til Litava komandi fríggjadag, har seinni dysturin millum liðini verður í býnum Jonava, sunnudagin kl. 14.00, føroyska tíð.

Málskjúttar:
Jana Mittún 9
Maria Pálsdóttir Nólsoy 6
Lív Sveinbjørnsdóttir Poulsen 4
Marita Mortensen 3
Karin Egholm 3
Pernille Brandenborg 3
Anna Elisabeth Halsdóttir Weyhe 3 (3)
Rannvá Olsen 2
Fríða Nolsøe Olsen 2
Elsa Egholm 1

Dystargongdin:
5 min: 2-2
10 min: 4-6
15 min: 7-8
20 min: 9-9
25 min: 11-10
30 min: 15-11
35 min: 17-15
40 min: 23-18
45 min: 26-20
50 min: 28-21
55 min: 33-24
60 min: 36-26