Fýra skip eru í løtuni á leiðini har Kambur sakk

Støðan versnaði so skjótt umborð á Kambi, at áðrenn fyrstu eindirnar komu á staðið, hevði Kambur lagt seg nógv á liðina, at manningin stóð á skipssíðuni.

Tyrlan fekk tikið 13 av teimum 16 av manningini upp, og flutti teir til Froðbiar. Tyrlan fór so aftur til Kamb, og fekk bjargað einum afturat. Tveir mans eru tí saknaðir.

Á fishin.fo sæst, at Hamranes, Breiðanes, Sandshavið og Brimil eru á leiðini har Kambur sakk.

Brimil samskipar leitingina eftir teimum báðum ið eru saknaðir. Umstøðurnar eru vánaligar á staðnum.