Føroysku skipini kunnu landa svartkjaft uttanlanda nú

Føroysku skipini hava góðan fiskiskap eftir svartkjafti í løtuni, og tað sæst eisini aftur nú skipini bíða í fleiri dagar at sleppa at landa fiskin. 

Seinasta skipið, sum er komi inn er Jupiter. Jupiter skal landa mánadagin.

Árni Skaale, landsstýrismaður, hevur í dag lýst kunngerð um broyting í kunngerð um landing í Føroyum.

Undantak verður nú givið føroyskum skipum frá at landa svartkjaft í Føroyum til og við 15. juni 2022. Kunngerðin kemur í gildið í morgin.

Sambært tølunum frá Vørn so hava føroysku skipini fiskað 78.000 tons av svartkjafti í ár. Føroyska svartkjaftakvotan í ár er 267.431 tons.