Føroyingar í Norrønum samstarvi innan vegaøkið

UM NVF

Norrønt Vegforum (NVF) er eitt alment-privat vinnusamstarv við uml. 320 limafyritøkum. NVF varð stovnað í 1935 og hevur deildir í Danmark, Svøríki, Noreg, Finnlandi, Íslandi og Føroyum.

Endamálið við NVF er at deila og menna vitan innan vega- og ferðsluøkið. Hetta verður gjørt í norrønum arbeiðsbólkum, har serfrøðingar møtast tvørtur um almenna og privata geiran.

Arbeiðsbólkar, har føroyingar luttaka í løtuni, eru:

• Rakstur og viðlíkahald
• Klimakrøv í sáttmálum
• Norðurlendski anlægsmarknaðurin
• Rekruttering til branchuna
• Tekniskar gjaldsloysnir
• Ferðslutrygd
• Tunlar
• Vegatøkni
• ITS - Nýskapandi nýtsla av dátum (Bólkurin endaði sítt arbeiði í fjørð)

Umframt hesar arbeiðsbólkarnar hevur NVF eisini norðurlendskar arbeiðsbólkar innan hesi øki:

• Brúgvar
• Farmaflutning
• Luftgóðska
• Flutningur í býum og flutningsráðlegging
• Tilevning

Meira kann lesast um arbeiðsbólkarnar og virkisætlanir teirra her: NVF – Nordisk Vejforum (nvfnorden.org) 

FØROYSKA DEILDIN

Føroyska deildin hevur 21 limafyritøkur, her er talan um bæði kommunur, stovnar og privatar fyritøkur.

Umframt luttøkuna í norðurlendsku arbeiðsbólkunum skipar føroyska deildin fyri viðkomandi skeiðum innan vegaøkið. Seinasta skeiðið var eitt ferðslutrygdarskeið, sum varð hildið í apríl mánað.

NÝVALDA STÝRIÐ

Deildin verður stjórnað av stjóranum á Landsverki sum formanni og 4 stýrislimum afturat honum. Tveir stýrislimir og ein varastýrislimur vera valdir mak ár, og hinir tveir stýrislimirnir og ein varastýrislimur stak ár.

Nývalda stýrið er mannað soleiðis: Sigurd L. Lamhauge, stjóra á Landsverki er formaður, Kim Krett Hansen frá LBF, Uni Danielsen frá P/F Vágatunnil, Andras Robertsson Marr frá Akstovuni og Jákup Enni frá Articon eru stýrislimir. Eyðfinn Lemvig frá J&K og Fríður Dalsgarð  frá Tórshavnar kommunu eru varastýrislimir.

LIMASKAPUR Í NVF

Limaskapur í NVF kostar 1.500 kr um árið. Myndugleikar, kommunur og fyritøkur, ið eru áhugað í at gerast limir í NVF kunnu venda sær til Ásu Ósá, NVF-skrivara á [email protected] ella tlf 290816.