Jóanis Nielsen
Línuskip. Eitt línuskip er á Íslandsrygginum, men er nýliga byrjaður túr, so tað kemur ikki at landa í vikuni. Restin liggur við bryggju, men møguliga fer okkurt avstað í næstum. Fýra frystilínuskip eru á Føroya grunninum. Trý eru á Flemish Kap.
Útróður: Streymurin verður rímuliga harður, men veðri sær út til at blíva gott í vikuni, tó vánaligt um vikuskiftið. Vit rokna ikki við nógvum útróðri. Fiskaríið er smáligt. Bátarnir fáa mest hvíting.
Djúpvatnstrolarar: Tveir eru á svartkalvaveiðu og koma teir møguliga at landa síðst í vikuni ella fyrst í aðru viku. Annar er bretskum sjógvi og hin í føroyskum sjógvi. Ein liggur við bryggju.
Partrolarar: Fýra pør eru til fiskarí og koma tey flestu at landa í vikuni. Smáligt fiskarí. Tey fáa eisini nakað av hvítum fiski. Tvey pør fiska gulllaks.
Trolbátar: Tveir eru á landleiðini og ein er norðanfyri. Teir fiska mest av toski, hýsu og so flatfisk. Allir landa í vikuni.
Garnaskip: Tvey garnaskip fiska svartkalva. Fiskaríð er smáligt. Tvey fiska havtasku. Báðir hava brúkiligt fiskarí. Øll garnaskipini landa í vikuni.
Vinarliga broyt tínar kennifíla - og privatlívsstillingar fyri at síggja hetta innihald