Jóanis Nielsen
Skuldarlutfall er skuld hjá einstøku húskjunum mátað í mun til teirra árligu bruttoinntøku. Vanliga verða húskir í Føroyum viðmælt ikki at skylda meira enn 3,5 ferðir sína árligu inntøku. Í summum førum verða hægri skuldarlutføll tó loyvd, um útlit eru til, at einstaka húskið fær skuldarlutfallið niðurum 3,5 innan eitt stutt áramál ella um tey eiga aðrar ognir, ið loyvir høgt skuldarlutfall.
Í mynd 1 er ein lánsupphædd omanfyri 2 mió. kr. vald sum dømi. Húskir, sum skyldaðu meira enn 2 mió. kr. og samstundis høvdu eitt skuldarlutfall omanfyri 3, vóru 684 í tali í 2021, ella 3,7% av øllum húskjum í Føroyum og vóru 27,8 ára gomul í miðal. Húskini við skuld omanfyri 2 mió. kr. og skuldarlutfalli omanfyri 3, vóru munandi fleiri í tali í Suðurstreymoy í mun til aðrastaðni í landinum; tey vóru um 75% av húskjunum og hongur hetta saman við, at sethúsaprísirnir eru hægri í miðstaðarøkinum, enn í restini av landinum.
Mynd 1 Skuldarlutføll
Les meira í ársfrágreiðing Landsbankans um fíggjarligt støðufesti 2022.
Vinarliga broyt tínar kennifíla - og privatlívsstillingar fyri at síggja hetta innihald