Endurlýsing: Vága Kommuna søkir eftir námsfrøðingi til Smílikulluna

Smílikullan, er eitt frítíðarskúlatilboð ætla børnum í 1. og 2. flokki í Vága Kommunu. Vit halda til í Gamla Skúla í Miðvági. Smílikullan liggur nær við fjøruna, sandin, fótbóltsvøllin, stóra spæliplássið í bygdini og viðarlundina. Hetta gevur okkum ríkar møguleikar til nógvar spennandi avbjóðingar bæði fyri børn og starvsfólk. Sí meira kunning á www.smilikullan.fo

Starvið og førleikar:

Tað hevur týdning fyri okkum at:

• Tú brennir fyri at arbeiða við børnum og ert tilvitað/ur um at skapa jaligar relasjónir og at stimbra sjálvsvirðið hjá børnum.
• Tú ert innbjóðandi, fyrikomandi og forvitin í tínum samskifti við børnum.
• Tú dugir bæði at uppsøkja og seta stuttlig ting í gongd, líkasum tú eisini eggjar børnum til sjálvi at brúka sítt hugflog.
• Tú torir at taka ábyrgd og hevur ein natúrligan myndugleika.
• Tú ert við til at menna námsfrøðiliga arbeiði á stovninum.
• Tú hevur hug og áræði at vera við til at skapa ein fjølbroyttan, stuttligan og tryggan gerandisdag, við virðing og umsorgan fyri einstaka barninum, foreldrum og starvsfeløgunum.

Vit kunnu bjóða:

Sum starvsfólk verður tú partur av virkna og fjølbroytta degnum í Smílikulluni saman við børnunum, tú verður við til at menna teirra hugskot, geva teimum íblástur og vísa á møguleikar.

Tínir eginleikar og tín persónligheit hava minst líka stóran týdning, sum tín møguliga útbúgving.

Vit kunnu bjóða tær eitt spennandi, fjølbroytt og gevandi starv, við møguleika til at ávirka innihaldi í Smílikulluni.

Løn og setanartreytir:

Løn sambært sáttmála millum Føroya Pedagogfelag og KAF.

Setanarstaðurin er í Vága kommunu og tann setti má tola at broytingar kunnu koma fyri í starvinum.

Arbeiðstíðin er vanliga millum kl. 09:00 og kl. 17:00. 

Umsókn saman við lívsgongdarlýsing, viðmælum og prógvum, skulu sendast til:

[email protected] (viðmerk ”umsókn” Smílikullan) ella til Vága Kommunu, Hammershaimbsvegur 1, 360 Sandavágur. Umsóknin skal vera okkum í hendi seinasta lagið 20. desember á middegi.

Sambært barnaváttanarlógini §4, skal barnaváttan fyriliggja, áðrenn umsøkjari verður settur.

Meira fæst at vita við at venda sær til Dorthea H. Dam, leiðara, tlf. 794445 ella við at skriva til [email protected]

Um námsfrøðingar ikki søkja verður hjálparfólk sett í fyribils starv.