Eitt tíðarskeið við trimum trolarum hevur fingið ein enda

Tann seinasti av teimum trimum hekkutrolarunum, ið Erling Laksafoss teknaði og skipaði byggingina av í Noreg, stendur nú uppi á turrum í Alang í India og verður upphøgdur. 

Systurskipini, hekkutrolararnir sum løgdu lunnar undir føroyskar flakatrolarar, komu til Føroya í ávikavist 1968, Stella Kristina til Klaksvíkar og í 1969, Vesturvón til Sørvágs og Stella Karina til Klaksvíkar. 

Síðan eru teir farnir úr flotanum soleiðis: Vesturvón sokkin í 2015 (Thunder), Stella Kristina upphøgd í 2020 (Snæfell) og nú í 2023, Stella Karina upphøgd.

Sostatt helt tann seinasti í 54 ár.

Mynd: Þ. Gíslason

www. vagaskip.fo