Boð eftir bjargingarbátinum Sverra í gjár

Klokkan 10 í gjár fekk MRCC støðin í Havn eina fráboðan um, at ein jolla, sum var eftir havhestum var uppsteðga á norðhavinum. Teir fingu sjálvir motorin ígongd og kláraðu til lands við egnari kraft og hjálparveitingin var avblást.

Klokkan 14 fekk MRCC aftur eina fráboðan um, at ein bátur ið var eftir havhestum hevði fingið trupuleikar.  Boð blivu send eftir bjargingarbátinum Sverra, sum fór eftir bátinum, sum var stæddur norðanfyri Slættanestanga. Sverri sleipaði bátin á Miðvág.