Vestanstevnurenningin verður leygardagin kl. 11

Legg til merkis at renningin ikki verður fríggjadagin sum stendur í vestanstevnuskránni.

Vestanstevnurenningin er motiónsrenning og 6. umfar av Grand Prix runnið í Miðvági í sambandi við vestanstevnuna, og sjálvandi verður eisini barnarenning. Møtt verður við MB-húsinum kl. 10.00, har avheintan av startnummurum og seintilmelding fer fram.

Renniteinurin hjá teimum vaksnu er nýggjur og spennandi. Farið verður við bussi frá MB-húsinum til Vatnsoyrar. Sjálvur renniteinurin er frá Zarepta til MB-húsið, umleið 6,1 km. Børnini renna í Miðvági. 0-7 ár renna 300 m, 8-10 ár renna 500 m, 11-13 ár renna 1.000 m og 14-17 ár renna 1.500 m. Runnið verður frá MB-húsinum út móti kaiini. Á málinum verðu vatn og frukt at fáa, og aftaná verður heiðursmerkjahandan í skúlanum, har kaffi og ein køkubiti verður at fáa. Tilmelding liggur klár her á síðuni. Kostnaðurin er 60 kr fyri vaksin og 30 kr fyri børn.