Varð seymaður við fleiri enn 300 pentum - myndir

 Maðurin sum fríggjakvøldið varð álopin í Havn, varð seymaður við fleiri enn 300 pentum.

Vit hava í kvøld tosað við mannin, hann sigur, at hann eftir umstøðunum hevur tað hampuligt, men nervarnar til vinstru hond eru av og eisini eru nervar í høgru hond skaddar.

Tað var í tøkum tíma, at hann kom undir læknahond, tí hann hevði mist so nógv blóð, eftir øll snittini hann hevði fingið í kroppin, bæði við øks og við knívi.

Maðurin sigur í kvøld, at hann hugsaði at sín síðsti tími var komin, tá ið hann sá øksina sveiggja, men tíbetur kom hjálp til, so at hann kom undir læknahond í tøkum tíma - læknarnir arbeiddu í 4 tímar uppá hann.