Jóanis Nielsen
FSF ynskir við hesum at heita á feløg og avvarðandi at eftirkanna, at øll spæliloyvi eru í lagi, nú eitt nýtt kappingarár fer av bakkastokki
Fótbóltsárið 2014 er av álvara við at fara í gongd, og fyri framman stendur væntandi enn eitt spennandi kappingarár í føroyskum fótbólti.
Flestu kappingarnar eru lagdar til rættis, og so er klárt hjá leikarum og leiðarum, og ikki minst áskoðarum, at fara til dyst.
Men fyri at kappingin kann verða avgreidd so smidliga sum tilber, er av stórum týdningi, at ??LL spæliloyvi eru í lagi, ÁÐRENN kappingin byrjar.
Hetta er galdandi fyri allar leikarar, ið luttaka í kapping, sum Fótbóltssamband Føroya skipar fyri, frá Effodeildini til Gentur U8, bæði í landskapping og steypakapping.
Um øll spæliloyvini eru í lagi, verður ikki neyðugt at avgera dystirnar á skriviborðinum hjá Aganevndini.
Eitt hugskot er, at allir venjarar, líkamikið hvat lið teir venja, kanna eftir, at teirra leikarar hava síni spæliloyvi í lagi.
Um okkurt spæliloyvi ikki er komið í rættlag, áðrenn kappingi fer í gongd, verður viðkomandi venjari biðin um at seta seg í samband við egið felag ella skrivstovuna hjá FSF, so leikari og spæliloyvi kunnu verða skrásett. Við hesum kann leikarin luttaka í dysti og kappingum, uttan at bera ótta fyri, at liðið seinni verður dømt at tapa á skriviborðinum.
Vinarliga broyt tínar kennifíla - og privatlívsstillingar fyri at síggja hetta innihald