Jóanis Nielsen
Oddaliðið í 1. deild - TB fór við øllum stigunum av Valloyrini í dystinum ímóti 07Vestur, TB vann 2-0 og hevur nú 33 stig, næst teimum kemur B36 við 23 stigum fyri 11 dystir - 07Vestur hevur 16 stig.
Dysturin var tamur við fáum málmøðuleikum, tað kom heldur einki mál í fyrra hálvleiki. Seinni hálvleikur líktist nógv fyrra hálvleiki, nógvir langir bóltar, sum álopini ikki fingu tamarhald á. Tað vóru eingi væluppbygd álop at síggja - dysturin kann tí ikki sigast at vera ein av teimum góðu - heldur tvørturímóti.
Men tá ið 20 min. vóru leiktir av seinna hálvleiki slapp ein TB-leikari (nr. 20) at reka úr vinstru síðu inn ímóti brotsteiginum, har hann langaði til og bólturin endaði í málinum til 1-0 - seinna málið hjá TB kom 2 min. fyri leiklok, tað líktist fyrra málinum, 07Vestur verjan var alt ov passiv, og kundi TB álopið tí senda bóltin aftur í netið til støðuna 2-0.
1. deild menn 2014
Nr. | Lið | D | V | J | T | Mál | S |
|---|---|---|---|---|---|---|---|
1 | TB | 11 | 11 | 0 | 0 | 27-8 | 33 |
2 | B36 II | 11 | 7 | 2 | 2 | 28-15 | 23 |
3 | FC Suðuroy | 10 | 5 | 2 | 3 | 15-12 | 17 |
4 | 07 Vestur | 11 | 5 | 1 | 5 | 13-17 | 16 |
5 | AB II | 11 | 4 | 2 | 5 | 17-14 | 14 |
6 | Víkingur II | 10 | 3 | 4 | 3 | 13-13 | 13 |
7 | NSÍ II | 11 | 4 | 1 | 6 | 18-22 | 13 |
8 | EB/Streymur II | 11 | 3 | 2 | 6 | 17-25 | 11 |
9 | KÍ II | 11 | 1 | 4 | 6 | 14-24 | 7 |
10 | HB II | 11 | 1 | 2 | 8 | 14-26 | 5 |
Vinarliga broyt tínar kennifíla - og privatlívsstillingar fyri at síggja hetta innihald