Prísurin fyri makrel er farin langt niður

Føroysku skipini eru aftur farin á makrelveiðu, tey byrjaðu fyrst í altjóða sjógvi norðanfyri, og royna tey nú í føroyskum sjógvi. Fiskiskapurin eftir makreli er smáligur.

Sum so mangt annað, so hevur Covid 19 eisini ávirkan á makrel prísin. Tá ið makrelfiskiskapurin stóð uppá tað besta í januar mánaða í ár fingu skipini upp ímóti 11 kr fyri kilo.

Nú fáa føroysku skipini um 6 kr fyri kilo av makreli.

Føroysku skipini skulu landa makrelin í Føroyum.