Jóanis Nielsen
Politiið sóknast eftir einum miðaldrandi manni, sum kann hava sæð okkurt uttan fyri bústaðin Markalíð 3 í Tórshavn, har tann 61 ára gamli maðurin varð stungin á bústaði sínum mikudagin 20. novembur um kvøldið.
Eitt vitni hevur greitt politinum frá, at hon mikudagin 20. novembur kl. 2205 - 2210 møtti hesum manninum á niðaru gongubreytini á Marknagilsvegi við gernngsstaðið. Vitni gekk út eftir, meðan maðurin, sum sóknast verður eftir, rann á gongubreytini heim eftir Marknagilsvegnum.
Maðurin var í einum vetrarjakka og vanligum klæðum, tað vil siga ikki í renniklæðum, men vitni kundi tó ikki geva eina nærri lýsing av manninum.
Politið vil fegin í samband við henda mannin, fyri at vita um hann kann hava sæð nakað, tá hann rann fram við gerningsstaðnum hetta tíðarbilið.
Bergleif Brimvík
politikommisserur
Vinarliga broyt tínar kennifíla - og privatlívsstillingar fyri at síggja hetta innihald