Nú verður orkuverkið í Vestmannasundi sett út aftur

6. mars 2013 gav SEV Sp/f FTPP, v/Uffa Bærentsen, Vestmanna fyribils loyvi til íbinding í netið hjá SEV á Oyragjógv til framleiðslu av el úr sjóvarfalsorku.

Sjálvt orkuverkið varð sett út í vár, men ymiskir tekniskir trupulleikar gjørdu, at tað mátti takast upp aftur. Orkuverkið hevur staðið á bedingini í Vestmanna, har ymsar ábøtur eru gjørdar.

Men nú verður roynt aftur. Í dag varð arbeitt við at seta orkuverkið fast, ein alibátur og Brimil vóru við í arbeiðinum.