Lív var eftir báti um Kirkjubønes

Um 20 tíðina í gjárskvøldið sendi MRCC Tórshavn boð eftir Rescue Lív, tí ein bátur hevði fingið trupuleikar um Kirkjubønes.

Lív fór av havnini klokkan 20:06, og klokkan 20:13 var Lív hjá bátinum ið hevði fingið motorsteðg um Kirkjubønes. Lív tók bátin uppá sleip, og sleipaði bátin til Argir. Tá klokkan var farin av 21 í gjár var báturin aftur í báthylinum úti á Argjum.

Sunnudagin sleipaði Lív ein bát til Runavíkar.