Kai Shun siglir inn við 2.000 tonsum

 Móttøkuskipið Kai Shun siglir inn við 2.000 tonsum av makreli og sild. Væntandi fer Kai Shun á Sund at lossað lastina umborð á eitt farmaskip, sum skal koma har.

Kai Shun hevur ligið norðanfyri og tikið ímóti frá føroyskum makrel- og sildaskipum, teir hava ikki verið so langt norðuri sum tey flestu skipini, hava ligið mest á uml. 62,6N og millum 6 og 7V.

Kai Shun var eisini inni og landaði fyri 14 døgum síðan.