2013-07-24 17:46 
Jóanis Nielsen
Jóanis Nielsen
Jørgen Niclasen, fíggjarmálaráðharri, hevur tilnevnt Jóannes Eidesgaard av Tvøroyri til stjórnarlim í Føroya Realkreditstovni.
Jóannes Eidesgaard er fyrrverandi Løgmaður og m.a. eisini fyrrverandi fíggjarmálaráðharri. Hann avloysir ??la Heinesen úr Klaksvík, ið hevur sitið í stjórnini fyri Realin síðani 1988.
Føroya Realkreditstovnur virkar sambært løgtingslóg nr. 75 frá 5. november 1998, við seinni broytingum.
Endamál stovnsins er at veita fígging til skip o.t. við heimstaði í Føroyum. Sambært lógini tilnevnir landsstýrismaðurin tríggjar stjórnarlimir. Tilnevningin er fyri 5 ár.
Jóannes Eidesgaard byrjar sum stjórnarlimur í Realinum 1. august í ár.
Hinir stjórnarlimirnir eru Virgar Dahl av Oyri og Ulla Svarrer Wang úr Tórshavn. Tilnevningarskeið teirra ganga fram til ávikavist 2015 og 2016.
Vinarliga broyt tínar kennifíla - og privatlívsstillingar fyri at síggja hetta innihald