Ingi Olsen er settur sum virkisleiðari á Snarfrost

Í gjár kom Katrin Jóhanna á Miðvág við 300 tonsum av makreli, sí myndir her.

Fyri løtu síðani vóru fyrstu 30 tonsini pumpað úr Katrin Jóhannu og í ein tangabil, sum skuldi flyta makrelin frá skipinum, og inn á Snarfrost.

50 ára gamli Ingi Olsen úr Vestmanna er settur sum virkisleiðari á Snarfrost, sum hevur fingið menningarkvotu saman við Katrin Jóhannu. 

Umframt Katrin Jóhannu koma eisini onnur skip at landa til Snarfrost. Eigarin av Snarfrost eigur eisini teir báðar trolarnar Brestir og Vesturleika.