Frank gevst at koyra skúlabørn

 Sørvágs skúli skrivar 17.05.2021:

Tá skúlaárið 2020/2021 endar, takkar Frank eisini fyri seg. Í morgin er seinasti skúladagur hjá 9. og 10. flokki, og tí høvdu vit boðið Frank til eina hugnaløtu í skúlanum í morgun.

Borgarstjórin bar Frank eina heilsan og segði m.a. at áðrenn fartelfonina, tá ringdu foreldrini bara til Frank og spurdu, hvar børnini vóru. Ein mamma í Bø ringdi algoyst til Frank ein dagin, tí hon fann ikki sonin. "Jújú", segði Frank. "Eg koyrdi hann til Bíggjar eftir einum bjargingarvesti og tráðuni og síðani út á kaiina, so har skuldi hann verið."

Vit takka Frank hjartaliga fyri góða tænastu og ynskja honum og Anny alt tað besta.

Frank fekk handaða eina heilsan frá Sørvágs kommunu og skúlanum.