FM í Badminton á Giljanesi komandi vikuskifti

Komandi vikuskifti 15-16 mars verður FM-single í Badminton fyri børn og ung í Høllini á Giljanesi. Tað eru Miðvágs Badmintonfelag (MBF) og Badmintonsamband Føroya (BSF), sum skipa fyri kappingini.

Leikarar runt alt landið, fyrireika seg hesa vikuna við teimum endaligu venjingunum fram til FM. Servurnar vera terpaðar, smashini vera fínstillaði, netbóltar... -fleiri 100 í talið rulla á netkantinum. Fleiri eru farin at ansa betri eftir hvíld og mati. Summi eru so spent at tey fáa als ikki sovi, ymiskt er. Staðfestast kann tó at vit fáa eitt gott og spennandi vikuskifti, tí leikarnir eru óførir. Foreldur og viðhaldssfólk eru eisini spent. Stuttligt verður....

Tað eru 160 leikarar í aldursbólkunum U-9, U-11, U13, U-15 og U-17 tilmeldaðir.

Kappingin er ógvuliga jøvn í øllum aldursbólkum, og onki er avgjørt fyrr enn síðsti matchbóltur liggur.

Undirtøka hjá Badminton hevur veri sera góð í ár, og hava nógvir nýggjir leikarar staðið við netið fyri fyrstu ferð í ár, og víst sínar dygdir.

Fleiri av leikarnum, sum hava víst áræði og úrslit fáa góðar avbjóðingar ígjøgnum summarið eisini. Nakrir veðra úttiknir til kapping í Danish Junior Open í Farum í Danmark. Onkrir leikarar eru úttiknir til Nordic Camp í Helsinki, har teir brúka nakrar dagar frá morgni til myrkurs við bestu ungdómsvenjarnum í Skandinavia. Eisini verður North Atlantic Camp í Tórshavn, við luttøku úr Íslandi og Grønlandi.

Sjálv GrandPrix kappingin er liðug, og eru sostatt bert FM-heitini sum skulu avgerðast afturat. Single verður hetta vikuskifti, og næsta vikuskifti double, sum verður í Klaksvík. 10. apríl byrjar innleiðandi í meistarabólkinum hjá vaksnum, og eru finalurnar á stóra finaludegnum 12. apríl.

??ll áhugaði skulu vera hjartaliga vælkomin á Giljanes hesar báðar dagarnar. Vit vera væl uppvartaði við kaffi, the og góðum ábiti. Blíðskapurin plagar at vera stórur. Síggjast.

Síggjast kann á hesari leinkju nær leikarnir skulu spæla http://bsf.fo/fm-%c3%ad-einmansleiki-%c3%a1-giljanesi-kappingarskr%c3%a1.aspx

Síggjast á Giljanesi 

BSF & MBF