Finnur Fríði skal landa á Tvøroyri í kvøld

Finnur Fríði siglir inn við 1.000 tonsum av makreli, sum teir skulu landa á Tvøroyri. Teir verða á Tvøroyri tíðliga í kvøld.

Í løtuni landar Tróndur í Gøtu til Varðan Pelagic, teir verða liðnir, tá ið Finnur Fríði kemur inn.

Finnur Fríði hevur bara fiskað í føroyskum sjógvi, sagt verður, at tað er góður makrelur skipini fáa í føroyskum sjógvi.