Ein millión krónur í lokalum stuðli

Reiðaríið p/f Kinnfelli í Miðvági hevur gjørt av at lata tilsamans 1.000.000 krónur í stuðli til almannagagnligt virksemi í Vágum í ár.

P/f Kinnfelli eigur og rekur uppsjóvarskipið Katrin Jóhonnu, og við stuðlinum heldur reiðaríið lyftið, sum var givið í sambandi við menningarkvotuna, ið er grundarlagið undir rakstrinum av skipinum.

Tað eru tilsamans 30, sum fáa stuðul. Tað eru ítróttarfeløg, mentanarlig feløg, kirkjur og samkomur.

P/f Kinnfelli upplýsir, at ongin avgerð er tikin um, hvør skal hava stuðul fram eftir, og tí kunnu onnur enn tey, sum nú fáa, koma upp á tal næstu ferð, p/f Kinfelli fer at veita stuðul.

--