Broyttar fráferðir ??? sama túratal

 SSL: Nú Erla Kongsdóttir hevur siglt á leið 90 í góðar 6 vikur, verða smærri tillagingar gjørdar í ferðaætlanini.

Royndirnar við skipinum hava víst, at til ber at stytta siglingartíðina millum Havnina og Nólsoy við 10 minuttum hvønn vegin ??? úr 30 minuttir niður í 20 minuttir. Tískil er ferðaætlanin broytt í mun til siglingartíðina, har flestu fráferðirnar eru broyttar við 5 ??? 10 minuttum. Talið av túrum er óbroytt. 

Fyrsti túrurin gerandisdag úr Havnini er fluttur frá 6:45 til kl. 7:00, meðan fráferðin úr Nólsoy er flutt frá 7:15 til 7:20.

Broytingarnar koma í gildi mánadagin 22. februar 2021.