2019-01-12 08:20 
Jóanis Albert Nielsen
Jóanis Albert Nielsen
Bjargingartyrlan hjá Atlantic Airways hevur verið boðsend fýra ferðir seinastu fýra dagarnar.
Tann 8. januar var fyrsti túrurin hjá bjargingartyrluni í ár, tá ið ein persónur skuldi flytast av suðuroynni og norð á Landssjúkrahúsið.
Tann 10. januar var brúk fyri bjargingartyrluni tvær ferðir, fyrst klokkan 00:49 fyri at flyta ein persón av suðuroynni og norð á Landssjúkrahúsið. Klokkan 22:14 vóru aftur boð eftir henni tá ið eitt fólk á Skúvoy hevði brúk fyri at koma á Landssjúkrahúsið.
Aftur í gjár tann 11. januar var tyrlan boðsend at fara til Froðba eftir einum persóni, sum mátti flúgvast norð á Landssjúkrahúsið.
Vinarliga broyt tínar kennifíla - og privatlívsstillingar fyri at síggja hetta innihald