BankNordik betraði úrslitið

 

Alsamt fleiri vinnukundar í BankNordik merkja økt virksemi, bjartari framtíðarvónir og hætta sær aftur at gera íløgur í nýggjan útbúnað og nýtt virksemi. Hetta sæst á øktu útlánunum til fyritøkur. Hinvegin eru avdráttirnir frá privatkundum framvegis størri enn nýggju lántøkurnar, og samanløgdu útlán bankans eru sostatt minkað eitt vet.  
  
Effektiviseringin av bygnaðinum í bankanum seinastu árini er í stóran mun gagnnýtt til at stimbra kappingarførið. Kundanøgdsemið er gott og vaksandi, og BankNordik tekur virknan lut í øktu kappingini við fyrimunarligum prísum á bæði innlánum og útlánum. Afturat lægru útlánunum ber hetta tó, sum væntað, eitt ávíst trýst á inntøkur bankans við sær. 

 

???Kundarnir hava tikið væl ímóti nýggju fyrimunaskipan okkara, ið tryggjar persónliga tænastu og samstundis gevur kundunum munandi fíggjarligar fyrimunir, tá teir savna síni fíggjarviðurskifti hjá okkum. Á henda hátt gera vit íløgur í at menna langskygd sambond við kundarnar og styrkja støðu okkara á marknaðinum???, sigur Janus Petersen, forstjóri í BankNordik. 

 

Inntøkur bankans taldu 640 mió. kr. ársins fyrstu níggju mánaðir og 204 mió. kr. seinasta ársfjórðingin, tá lutfalsliga stórir skaðar settu sín dám á tryggingarvirksemi samtaksins. ??treiðslurnar eru minkaðar við 31 mió. kr. til 418 mió. kr. ársins fyrstu tríggjar ársfjórðingar. 

 

Eftir hetta gjørdist rakstrarúrslitið 221 mió. kr. fyri niðurskrivingar í mun til 210 mió. kr. sama tíðarskeið í fjør. ??rslitið fyri triðja ársfjórðing gjørdist 68. mió. kr.

Niðurskrivingarnar á útlánum fyri ársfjórðingin vóru 32 mió. kr. (netto). Fyri árið sum heild verða niðurskrivingarnar væntandi eitt sindur størri enn í 2012, tá tær vóru 115 mió. kr.

 

Eftir niðurskrivingar, ikki afturvendandi útreiðslur og íkast til innskjótaratrygdar-grunnin gjørdist úrslitið ársins fyrstu níggju mánaðir 102 mió. kr. fyri virðisjavna og skatt samanborið við 66 mió. kr. sama tíðarskeið í fjør. ??rslitið áðrenn skatt gjørdist 124 mió. kr.

 

BankNordik heldur fram við menningini av samtakinum í samsvari við strategi bankans, ið serliga leggur dent á góða kundatænastu, lønsemi og váðastýring.
Hóast jalig tekin í føroyska og altjóða búskapinum røkist ikki fyri øktum eftirspurningi eftir útlánum í næstum. Samstundis er eitt munandi kappingartrýst á rentumarginalin. Harafturat er roknskapur bankans í ár og komandi árini tyngdur av, at útreiðslur á uml. 25 mió. kr. fara til at byggja upp innskjótaratrygdargrunnin.

 

Við atliti at hesum viðurskiftum verður framvegis væntað, at heildarúrslitið fyri virðisjavna og skatt í 2013 verður 130-160 mió. kr., ið er ein munandi framgongd frá 102 mió. kr. í 2012.

 

??tlán bankans eru væl spjadd við sløkum 60 % til privatkundar og almennar myndugleikar, eini breiðari spaðing á vinnugreinar og bert fáum stórum avtalum. Henda váðamyndin verður endurspeglað í solvenstørvinum á 8,9 %, ið telist millum teir lægstu samanborið við danskar peningastovnar, og sum er nær lógarkravinum um minst 8 %. Við einum solvensi á 14,5 % hevur bankin eitt rásarúm á 5,6 prosentstig í mun til solvenstørvin.

Orsakað av stóra innlánsavlopinum hevur BankNordik eitt sera gott gjaldføri, nevnliga 163% omanfyri kravda stigið.

Nærri kunning
Janus Petersen, forstjóri, tlf. 330 340
Árni Ellefsen, fíggjarstjóri, tlf. 330 348
Johnny í Grótinum, Investor Relations, tlf. 330 380, [email protected]

 

 
Høvuðstøl

Mió. DKK	Q3 2013	Q2 2013	Q1 2013	Q4 2012	Q3 2012	Q1-3 2013	Q1-3 2012	2012
Rakstrarinntøkur*	204	230	206	236	224	640	660	895
Rakstrarútreiðslur*	-136	-142	-141	-143	-145	-418	-449	-592
??rslit fyri niðurskrivingar*	68	88	65	93	79	221	211	303
Niðurskrivingar á útlánum, netto	-32	-20	-55	-35	-14	-107	-79	-115
Rakstrarúrslit*	35	68	10	58	65	114	131	188
Serligar útreiðslur	0	18	-10	-15	-1	8	-61	-77
Sektorútreiðslur v.m.	-4	-8	-8	-7	0	-20	-4	-9
??rslit fyri virðisjavna og skatt	31	79	-8	36	64	102	66	102
Virðisjavni	16	-16	22	6	4	22	14	19
??rslit fyri skatt	47	63	14	42	68	124	80	121
Innlán v.m.           mia. DKK	12,0	12,3	12,8	12,7	13,1
??tlán v.m.            mia. DKK	10,6	10,7	10,8	11,3	11,3
Ognir til samans  mia. DKK	16,9	17,4	17,8	17,6	17,8
Eginogn  mia. DKK	2,2	2,1	2,1	2,1	2,0
Solvensur	14,5%	15,4%	14,9%	14,8%	13,8%
Gjaldføri í mun til lógarkrav	2,6 x	2,8 x	3,0 x	2,5 x	2,7 x
Rakstrarútreiðslur/ Rakstrarinntøkur	66%	62%	68%	61%	65%
Tal av starvsfólkum (FTE), ultimo	517	529	533	550	577

 

* Javnað fyri ikki afturvendandi útreiðslur umframt aðrar serligar útreiðslur (virðisjavni og sektorútreiðslur v.m.) Fleiri upplýsingar eru at finna í frágreiðingini fyri ársfjórðingin (tó bert á enskum).