Artic Viking skal í dokk á Skipasmiðjuni MEST

 Artic Viking hevur gjørt ein góðan túr á Grand Bank. Teir fóru at sigla heim fyrr í vikuni við fullari last - uml. 480 tons av rækjum. 

Bjarni Petersen skipari sigur, at túrurin er góður, tað eru góðar rækjur teir fingu á Grand Bank, Artic Viking royndi í 4 vikur.

Bjarni sigur viðari, at teir koma á Kollafjørð mikudagin, har rækjurnar verða landaðar. Aftaná skal skipið í dokk á Skipasmiðjuni MEST í Havn, tað arbeiðið kemur helst at taka 2 vikur.