19 flogfør fara og koma um Vága Floghavn

 19 flogfør skulu avgreiðast um Vága Floghavn í dag, av teimum skulu 10 avstað og 9 koma.

Nú summarferian er um at verða liðug í Danmark, so er tað serliga nógv press á at sleppa avstað, tí eru nærum øll flogførini, sum fara avstað fullsett (í dag skulu 10 flogfør avstað).

Floglíkindini eru góð, ættin er eystan, tað er góð ætt vestanfyri - vindferðin liggur um 14 m/sek.

Í morgin skulu 14 flogfør avgreiðast um floghavnina.