B71 er steypavinnari í gentum 16 - bólki B

B71 er steypavinnari fyri gentur 16B. B71 vann steypafinaluna ímóti Mjølni í spennandi dysti.

B71 kom sera væl frá byrjan og legði seg væl framum Mjølnir í 1. setti. Mjølnir kom tó nakað við aftur, og settið endaði 25-19 til B71.

Líknandi støða var í 2. setti, har B71 leingi sá út til at vinna rættuliga greitt, men Mjølnir bardi seg upp á 25-25. B71 megnaði tó at svara aftur og vann settið og steypið við 28-26.

Dagsins leikari hjá B71 bleiv Lilja E. Højsted, og dagsins leikari hjá Mjølnir bleiv Lisa T. Venned.