Atlantic Airways søkir eftir starvsfólki til bókhald

Vit leita eftir einum starvsfólki til okkara roknskapardeild at byrja sum skjótast.

Arbeiðsuppgávurnar fevna um vanligt bókhaldsarbeiði umframt aðrar fyrisitingarligar uppgávur.

Vit vænta, at tú...
- hevur skrivstovuútbúgving ella aðra viðkomandi útbúgving/royndir
- ert sera væl skipað/ur og hevur eyga fyri smálutum
- ert tænastusinnað/ur, tekur ábyrgd og heldur avtalur og tíðarfreistir
- hevur lætt við at seta teg inn í kt-skipanir

Tað er ein fyrimunur, um tú hevur kunnleika til bókhaldsskipanina Navision.

Vit bjóða:
- eitt avbjóðandi starv við nógvum ymiskum uppgávum
- eitt fjølbroytt og dynamiskt arbeiðspláss
- at gerast partur av eini fyritøku í støðugari menning

Løn- og setanartreytir:
Talan er um fulltíðarstarv. Løn og setanartreytir eru sambært avtalu. Starvsstaðurin er á høvuðsskrivstovu okkara á Vága Floghavn

Umsókn:
Umsókn við lívsrensli (cv), avriti av prógvum og møguligum viðmælum skal sendast við telduposti til [email protected] í seinasta lagi mánadagin 14. mars 2022. Allar umsóknir verða viðgjørdar í trúnaði.

Vilt tú hava meira at vita?
Set teg í samband við Marius Davidsen, fíggjarstjóra tlf. +298 21 37 03 ella við telduposti á [email protected]  ella Elina Sigvardsen, HR leiðara á tlf. +298 21 37 02 ella við telduposti á [email protected] .

Um okkum
Atlantic Airways er tjóðarflogfelag Føroya. Okkara fremstu uppgávur eru at knýta Føroyar nærri umheiminum og at knýta oyggjar saman og skapa tryggleika. Hjá okkum er trygdin í hásæti, og vit vilja veita eitt regluligt, smidligt og fjølbroytt rutunet við Føroyum sum hornasteini, og eina framúr góða tænastu.