Ársins spælari hjá 07 Vestur skiftir til KÍ

Á ársveitsluni hjá 07 Vestur í gjár, bleiv Ari í Haraldstovu Petersen valdur til ársins spælara hjá felagnum. 

Tað hevur ljóða í eina tíð, at Ari skiftir til KÍ, og í morgun bleiv hann kunngjørdur sum KÍ spælari.

KÍ skrivar:

Vit kenna hann sum 07Vestur og U21 málverja - nú er Ari í Haraldsstovu Petersen bláur!

Tað er við gleði, at vit kunngera, at Ari hevur gjørt sáttmala við felagið í 2024, 2025 og 2026.

Ari byrjar at venja við hópinum longu í morgi.

Vælkomin til Klaksvíkar og KÍ, góði Ari, vit gleða okkum til samstarvið