Alt tú skalt vita um dystirnar og tiltøk í Berlin

Í fyrsta bólkaspælinum spæla Føroyar tríggjar dystir:

• Tann 11. jan kl. 18 spæla Føroyar móti Slovenia
• Tann 13. jan kl. 20.30 spæla Føroyar móti Noregi
• Tann 15. jan kl. 18 spæla Føroyar móti Póllandi

Allir dystirnir verða spældir í Mercedes Benz Arena.

Berlin.fo

Ein síða er gjørd til høvið, har mann kann fáa viðkomandi kunning um alt, sum hendir í Berlin ísv. EM.

Kom við til upphiting áðrenn dystirnar

Áðrenn tveir teir fyrstu dystirnar skipa BankNordik, Wenzel, Atlantic, Effo og Smyril Line fyri ókeypis upphitingartiltaki fyri allar føroyingar í Berlin.

Fyrsta tiltakið verður hósdagin 11. januar í Kreuzberg Festsaal, sum er áleið 20 minuttir at ganga frá høllini. Tiltakið er kl. 14-17.

Til tiltakið fara Eyðun og Terji at spæla, okkurt gott verður at drekka og harafturat bjóða vit andlitsmáling og klapparar.

Tiltakið er eitt gott høvi at hitta aðrar føroyingar í Berlin, og tiltakið er somuleiðis ein upphiting til dystirnar, har vit saman fara at koyra á Føroyar.

Ogna tær eina t-shirt og stuðla Eydnudeildini

Tú kanst ogna tær eina heilt serliga t-shirt, ið er gjørd til høvið. T-shirtin kostar 100 kr., og tá ið tú keypir blusuna, stuðlar tú somuleiðis Eydnudeildini við 50 kr.

T-shirtirnar kunnu keypast á flogvøllinum í Vágum áðrenn fráferð, til upphitingina áðrenn dystirnar í Kreuzberg Festsaal og í lobbyini á Hotel Park Inn by Radisson.