2022-02-20 12:39 
Jóanis Nielsen
Jóanis Nielsen
Í hesum sambandi var forkvinnan í Demokratia at síggja og hoyra í KVF. Og eg má siga, at eg sum næstformaður, ikki kendi meg aftur í fleiri av hennara útsøgnum, sum bóru brá av ósannindum og fordómum og fyri meg kendist nakað av tí hugstoytt. Gamaní var tað á signalstøði ... also hvat fyri signal Føroyar sendir til dømis til umheimin.
Forkvinnan segði tó nógv gott, millum annað um týdning av fjølbroyttari og breiðari umboðan í Landsstýri og Løgtingi. Og tað eri púra samdur í!
Eg gangi út frá, at hon úttalaði seg sum forkvinna í Demokratia, men eg kenni ikki til at nevndin í Demokratia hevur samanborið okkum við Afganistan.
Afganistan, really? ... Okey, vit eru á sama lista – hagfrøðisliga – sum Afganistan, í hesum eina føri, men at válka sær í hesari samanbering, haldi eg er djúpt óseriøst – eisini fyri KVF - og tænir bert einum arbitrærum og snævurskygdum argumenti.
Somuleiðis kom fram, at signalið vit senda til útheimin er, at Føroyar eru:
afturhaldssinnað tjóð,
afturhaldssinnað stýrið,
ikki framskygt,
ikki fjølbroytt
Soleiðis kenni eg ikki Føroyar, og hvat grundarlagið hjá forkvinnuni í Demokratia fyri hesari greining? Hvar hevur Demokratia hesa niðurstøðu frá? Eg veit ikki.
Demokratia virkar fyri javnari kynsumboðan í føroyskum politikki, og tað haldi eg, er eitt gott mál. Men ikki at tað sømir seg at koma við ógrundaðum og óseriøsum uppáhaldum um menn og Afganistan í samband við javnari kynsumboðan í føroyskum politikki.
Vinarliga broyt tínar kennifíla - og privatlívsstillingar fyri at síggja hetta innihald