National Geographic Explorer vitjar Tvøroyri

 Beint áðrenn middag legði skipið National Geographic Explorer at Tvørakei og við honum eru uml. 120 ferðafólk, har meginparturin er úr USA. 4. juli er tjóðardagur í USA og í tí sambandi varð amerikanska flaggið eisini vundið á stong á havnarlagnum.
Sambært heimasíðuni hjá reiðarínum, er skipið eitt fyrsta floks rannsóknarskip í ís-klassanum og pláss er fyri 148 ferðandi í 81 kømrum. Skipið er bygt í 1982 og er heimahoyrandi í Nassau. Longdin er 112 metrar og breiddin 16,5 metrar.

Forkunnugi gesturin verður liggjandi til á miðnátt, áðrenn hildið verður til havs aftur