Tiltak um stýring av burturkasti verður fríggjadagin 17. juni

Fríggjadagin 17. juni kl. 14-15.30 verður tiltak fyri limafyritøkur í Vinnuhúsinum um stýring og handfaring av burturkasti í fyritøkuni. Tiltakið er eitt av fýra tiltøkum um burðardygd, sum Vinnuhúsið skipar fyri í ár.

Skeiðhaldararnir Beinta Højgaard Thomsen, KOB, og Ana Holden-Peters, serfrøðingur í burðardygd, fara at greiða frá, hvussu tað ber til hjá fyritøkum at loysa avbjóðingarnar viðvíkjandi ovurnýtslu og vantandi stýring innan burturkast. Við støði í búskaparligum ringrásum verður víst á møguleikar fyri at betra stýringina av burturkasti hjá føroyskum fyritøkum.
 

Melda til í seinasta lagi mikudagin 15. juni kl. 12:00 við at senda teldupost til [email protected] ella við at ringja 309900.
 

Tiltakið er ókeypis fyri limafyritøkur í Vinnuhúsinum