HSF: U19-menn: Tryggur sigur á Finnlandi

Føroysku U19-menninir vunnu eisini seinna dystin í dag. Føroyar vunnu greitt 26-16 á Finnlandi, eftir at Føroyar vóru á odda 14-9 í hálvleikinum.

Í mun til dystin í morgun, byrjaðu Føroyar við heilt nýggjari uppstilling. Byrjanin var tó trilvandi og álopsspælið stirvið. Verjan hekk illa saman og okkara taptu mann móti mann-dystirnar. Finnar vóru við hesum væl við í dystinum og til tíðir omaná. Føroyska álopsspælið batnaði tó so líðandi, og verjan stóð eisini betri saman við Bjarna í málinum. Eftir at liðini høvdu fylgst fyrstu 15 minuttirnar, tá støðan var 9-9, gjørdu okkara eitt hál og fóru til hálvleiks frammanfyri 14-9.

Føroyar stýrdu seinna hálvleiki fult og heilt og øktu um munin. Ingi Johannesen kom inn í føroyska málið og hevði fleiri bjargingar, meðan Lýðari í Dímun, sum ikki spældi í morgun, var vandamikil við langskotum. Lýðar gjørdist toppskjútti við 6 málum. Føroya vunnu 26-16.

Føroyar møta Svøríki í morgin kl. 09.30, føroyska tíð, og Kroatia mikudagin kl. 12.00. Allir dystirnir kunnu stroymast á ehftv.com.

Dystargongdin Føroyar – Finnland:

5 min. 3-3

10 min. 5-6

15 min. 9-9

20 min. 14-9

25 min. 17-11

30 min. 22-13

35 min. 25-13

40 min. 26-16

Málskjúttar hjá Føroyum:

Lýðar í Dímun 6

Filip Haldansen 5

Jákup Egholm 5(3)

Jógvan Andreas Lamhauge 3

Magnus Árason 3

Brandur Hansen 2

Erling Erlendsson 1

Helgi Haldorsson 1