Gerðabók frá bygdaráðsfundinum hjá Sørvágs kommunu

Bygdaráðsfundur: 27.05.2026 kl.18:00 – kl. 19:00

Fundarstaður: Fundarhøli

Hjástødd:

• Eyð Ellingsgaard
• Jón Joensen
• Hans Kári Hansen
• Elias Davidsen
• Tóki Joensen
• Helena H. Guttesen
• Hugin Skaalum

Umframt: Bjørg Beder, skrivari

Mál nr. 39/2026

J.nr. 211-7-2026

Ársroknskapurin hjá Sørvágs kommunu fyri 2025

Málslýsing: Ársroknskapurin hjá Sørvágs kommunu fyri 2025

Endaligu roknskapartølini í mun til játtanina vóru:

Tilmæli 27.05.26: Fíggjarnevndin mælir til at góðkenna Ársroknskapin hjá Sørvágs kommunu fyri 2025

Avgerð: Bygdaráðið samtykti at góðkenna Ársroknskapin hjá Sørvágs kommunu fyri 2025

Mál nr. 31/2026

J.nr. 211-5-2026

Fígging av ítróttarhøllini

Málslýsing: Fígging av ítróttarhøllini.

Tilmæli 20.05.26: Fíggjarnevndin mælir til at taka av tilboðnum frá Norðoya Sparikassa um lán uppá 40 mió.kr. í sambandi við bygging av ítróttarhøllini.

Avgerð: Bygdaráðið samtykti at taka undir við tilmælinum frá Fíggjarnevndini.

Mál nr. 32/2026

J.nr. 211-6-2026

2. viðgerð av eykajáttan til útiøkið rundanum Messuna

Málslýsing: 2. viðgerð av eykajáttan til útiøkið rundanum Messuna

Tilmæli 22.04.26: Tekniska nevnd mælir til at kanna møguleikan at leggja avfresa tilfar á økið.

Tilmæli 23.04.26: Fíggjarnevndin mælir til at játta eina eykajáttan á kr. 500,000,- til konto 7.38.14.380 Bátahylurin, havnir og lendingar til at leggja avfresa tilfar á uttanum økið við Messuna.

Avgerð: Bygdaráðið samtykti at hækka eykajáttanina upp til kr. 600.000,- við 2. viðgerð.

Peningurin verður at taka av tøkum peningi

Mál nr. 40/2026

J.nr. 542-51-2026

Umsókn um byggiloyvi á matr. 422i á vinnuøkinum á Hálsi.

Málslýsing: Eigarnir av matr. nr. 422i á vinnuøkinum á Hálsi, søkja um byggiloyvi til nýggjan kontór- og lagurbygning.

Tilmæli frá tekniska leiðaranum: Tekniski leiðarin mælir til at játta byggiloyvið vísandi til umsókn og tekningar. Um loyvið verður givið, skal byggjast eftir innsendu tekningum, og viðmerkingum í tilmælinum og annars eftir ásetingunum í BK17 og byggisamtyktini. Tilmæli 19.05.26: Tekniska nevnd tekur undir við tilmælinum frá tekniska leiðaranum, um at játtað byggiloyvið til nýggjan kontór- og lagurbygning á matr. 422i á vinnuøkinum á Hálsi, vísandi til umsókn dagfest 11. mai 2026

Avgerð: Bygdaráðið samtykti at taka undir við tilmælinum frá Teknisku nevnd.

Mál nr. 41/2026

J.nr. 548-13-2026

Umsókn um keyp av av vegi matr. 30ay

Málslýsing: Umsókn frá John Gudmundsen, um keyp av vegi matr. 30ay í Sørvági.

Tilmæli 19.05.26: Tekniska nevnd mælir frá at selja matr. nr. 30 ay sum er avlagt til almenna gøtu.

Viðvíkjandi møguligum bilhúsi á matr.137 so skal innkoyringin verða frá Garðsvegnum.

Tilmæli 20.05.26: Fíggjarnevndin tekur undir við tilmælinum frá Teknisku nevnd.

Avgerð: Bygdaráðið samtykti at taka undir við tilmælinum frá Teknisku- og Fíggjarnevndini.

Mál nr. 42/2026

J.nr.548-14-2026

Umsókn um sundurbýti av matr.23b í Mykinesi.

Málslýsing: Eigarin av matr. nr. 23b í Mykinesi søkir um at sundurbýti av matr. 23b í Mykinesi

Stykkini eru ávikavist 19 fermetrar og 51 fermetrar.

Tilmæli 19.05.26: Av tí at lutirnir eru so smáir mælir Tekniska nevnd frá sundurbýti av matr. 23b í Mykinesi.

Avgerð: Bygdaráðið samtykti at taka undir við tilmælinum frá Teknisku nevnd.

Mál nr. 43/2026

J.nr.542-66-2025

Umsókn um byggiloyvi til uppíbygging av høll á matr. 422q á vinnuøkinum á Hálsi

Málslýsing: Søkt verður um byggiloyvi til uppíbygging av høll á matr. 422q á vinnuøkinum á Hálsi

Tilmæli frá tekniska leiðaranum: Tekniski leiðarin mælir til, at játta byggiloyvið vísandi til umsókn og tekningar. Mælt verður tó til, ikki at útskriva loyvi fyrrenn matr.nr. 422ac og 422q endaliga eru løgd saman. Um loyvið verður givið, skal byggjast eftir innsendu tekningum, og viðmerkingum í tilmæli og annars eftir ásetingunum í BK17 og byggisamtyktini.

Tilmæli 19.05.26: Tekniska nevnd tekur undir við tilmælinum frá teknisk leiðaranum um loyvi til

uppíbygging av verandi høll á matr. nr. 422q á vinnuøkinum á Hálsi, vísandi til umsókn dagfest 2. juli 2025

Mælt verður tó til, ikki at útskriva byggiloyvið fyrrenn matr.nr. 422ac og 422q endaliga eru lagdir saman til ein matrikkul.

Avgerð: Bygdaráðið samtykti at taka undir við tilmælinum frá Teknisku nevnd.

Mál nr. 44/2026

J.nr. 542-1-2026

Umsókn um byggiloyvi til raðhús á matr. 62h í Sørvági.

Málslýsing: Umsókn um byggiloyvi til raðhús í einari hædd við 7 íbúðum á part av matr. nr. 62h í Sørvági.

Tilmæli frá tekniska leiðaranum: Tekniski leiðarin mælir til, at játta byggiloyvið vísandi til umsókn og tekningar. Tó verður mælt til ikki at útskriva loyvið fyrr enn orkuramman er tøk og sundurbýti er endaligt.

Um loyvið verður givið, skal byggjast eftir innsendu tekningum, og viðmerkingum í tilmælinum og annars eftir ásetingunum í BK17 og byggisamtyktini.

Tilmæli 19.05.26: Tekniska nevnd tekur undir við tilmælinum frá tekniska leiðaranum um byggiloyvi til 7 íbúðir á matr. 62h í Sørvági, vísandi til umsókn og tekningar dagfest 18.05.2026

Avgerð: Bygdaráðið samtykti at taka undir við tilmælinum frá Teknisku nevnd.

Mál nr. 45/2026

J.nr. 215-30-2025

Leigumál við Vestmek viðv. timburgoymslu á matr. 356 á havnarøkinum.

Málslýsing: Leiguøki til timburgoymslu á matr. nr. 356 á havnaøkinum.

Tilmæli 18.05.26: Havnarnevndin mælir til at gera ein 5 ára sáttmála við Handilsvirkið Niclasen, um økið til timburgoymslu á matr. 356 á havnarøkinum

Tilmæli 20.05.26: Fíggjarnevndin tekur undir við tilmælinum frá Havnanevndini og fyrireikar ein sáttmála við Handilsvirkið Niclasen

Fíggjarnevndin mælir til at leigan verður sett til kr. 1.500,- kr. um mánaðin.

Avgerð: Bygdaráðið samtykti, at man í fyrstu atløgu setur prísin eftir verandi kostnaði á kaiøkinum.

Somuleiðis varð samtykt, at kommunan fer at endurskoða/dagføra verandi fermetra prísir.