Føroyar taptu 3-0 fyri Luksemborg

Lítið restaði í í dag, tá føroysku flogbóltskvinnurnar spældu ímóti Luksemborg í seinasta dystinum í Silvurliguni á hesum sinni, men tá settini skuldu avgerast, var Luksemborg tað hvassari.

Í fyrsta setti skiftust liðini um at vera á odda, men eftir javnleik 18-18, mistu Føroyar takið, og Luksemborg vann fýra stig á rað og síðan settið 25-20.

Í øðrum setti gekk javnt á til Føroyar minkaðu um munin til 9-10, men síðan mistu alt á gólvið, tí eftir hetta vunnu Føroyar bara tvey stig, so at Luksemborg vann settið 25-11.

Føroyar komu tó fyri seg aftur í triðja setti og løgdu seg á odda 20-19, men tað síðsta restaði í, tí Luksemborg vann næstu seks stigini á rað og settið 25-20.

Næsta vikuskifti spæla menninir á heimavølli ímóti Aserbadjan og Eysturríki.