Jóanis Nielsen
Eftir framløguna hjá landsstýriskvinnuni stendur ein spyrjandi eftir: hvat varð av gyltu vallyftunum?
Hvar varð skattalættin av, og hvussu við styttu arbeiðsvikuni?
Javnaðarflokkurin lovaði undan valinum at gera húsarhaldsvørur bíligari, har ímillum breyð og frukt, nær verður tað lyftið útinnað?
Fíggjarpolitiska regluverkið, ið hevði til frama at tryggja haldførið í búskapinum, var hjartabarnið hjá Framsókn til løgtingsvalið – hvar varð lovaða haldførið av, Rutt Vang?
Vallyftini tykjast at verða parkeraði, ístaðin er tað eykagjøld á vinnuna, sparingar og lántøka, ið samgonguna noyðist at taka til, fyri at fíggja gildið.
Umframt hetta, so verður ríkisveitingin niðurlagað í óðum verkum, og ongar inntøkur eru settar ístaðin.
Hóast fíggjarlógin gevur ábendingar um undirskot, so tykist samgongan ongar ætlanir hava at venda gongdini – heldur ikki neyðuga framfýsni til gera neyðugar raðfestingar, tá tað kemur til nýskipanir.
Fleiri smáar sparingar er ikki nokk til at venda gongdini - her má nýhugsan til!
Sambandsflokkurin
Vinarliga broyt tínar kennifíla - og privatlívsstillingar fyri at síggja hetta innihald