Hópfígging til telduspælið Beyond the Pyre

Hey, eg eiti Mykines Dánjalsson. Eg havi spælt telduspøl alt lívið og eri nýliga byrjaður sum spælmennari. Mín dreymur er at menna eitt kappingarført og spennandi MOBA-spæl, við íblástri av søgnunum í norrønu guðalæru. Hugsað tær, at stýra kendum hetjum, granskað gátufør landakort, ið eru hugkveikt av mýtologiska hugaheiminum og nýta títt vit til at vinna á fíggindanum. Hetta er upplivingin, vit eru í ferð við at skapa saman í Beyond the Pyre™.Hendan hópfíggingin er til Alpha-útgávuna av spælinum, tað vil siga fyrsta útgávan har spælast kann; har grundarspælið og kjarnumekanikkur virka.

Ferð spælarans

Blóð, sveitti og tár – tað er tað, sum skal til fyri at gerast meistari. Hetta er ikki bara satt fyri hetjurnar í spælinum, men eisini fyri meg. Mín áhugi fyri videospølum byrjaði, tá eg var fýra ára gamal, í lítlu bygdini Sørvági. Eg minnist enn tær stóru arkade spælimaskinurnar. Serliga vóru tað Pac-Man og eitt sera feitt kappkoyringsspæl, sum birtu mín áhuga. Ferðin hevur veri long og rík.

Nú er tíðin komin til at geva nakað aftur til spælmentanina og skapa eitt MOBA-spæl, sum endurspeglar mína ferð; bygt á strategi, dugnaskap og spennandi kapping.

Brynhild: Paul Abrams hevur hondteknað til Beyond the Pyre

Fyrstu hetjurnar

Brynhild

Einaferð var Brynhild ein valkyrja í tænastu hjá Óðini, men hon varð koyrd úr heimi guðanna at liva millum menniskju. Svørð hennara glógvar við gudommiligari megi, og nærvera hennara á vígvøllinum vekir ótta og undran. Hon er serliga kend sum ein ágangandi og nærløgd stríðskvinna, ið er før fyri at flyta seg skjótt og samstundis útvega oyðileggjandi høgg.

Starkad

Sum meistari í smidleika og livandi prógv um disiplin, er Starkad ein lívshættisligur mótstøðumaður. Ferð hansara og neyvleiki gera hann serliga vandamiklan, og við íblásturi frá einari norrønari hetju, ið halgaði lív sítt til kríggj, trívist Starkad við at beina burtur dýrabar mál.

Skadi