2025-12-14 16:58 
Jóanis Albert Nielsen
Jóanis Albert Nielsen
Lítil ivi er um, at Mjølnir fer at koma í sína níggjundi FM-finalu á rað, eftir 3-1 sigurin á ÍF í Klaksvík í dag, tí við teimum trimum stigunum fór Mjølnir 12 stig framum ÍF á triðja plássi, nú landskappingin er hálvrunnin. ÍF hevur tó spælt tveir dystir færri enn Mjølnir.
Ffinalurøðin hjá Mjølni byrjaði í 2018, men ta ferðina vann ÍF-finnalurnar og gjørdist føroyameistari, men síðani hevur Mjølnir vunnið sjey FM-finalur á rað.
Í dystinum í dag var tað ÍF, sum tók fyrsta stingin. Mjølnir var á odda stóran part av settinum og 18-17, tá ÍF vann tríggjar bóltar á rað og fór framum 23-20. Mjølnir javnaði tó til 23-23 og aftur til 24-24, áðrenn ÍF vann settið 26-24.
ÍF legði seg síðan á odda 16-13 í øðrum setti, og var eisini frammanfyri 23-22, men Mjølnir fór framum 24-23, áðrenn settið var vunnið 26-24.
ÍF var aftur á odda í triðja setti, men eftir 8-6 gekk heilt galið, tí Mjølnir vann átta stig á rað og legði seg á odda 14-8, áðrenn settið varð vunnið 25-14.
ÍF var aftur á odda í triðja setti, men eftir 8-6 gekk heilt galið, tí Mjølnir vann átta stig á rað og legði seg á odda 14-8, áðrenn settið varð vunnið 25-14.
Veruligur spenningur kom ongantíð aftur í dystin, tí Mjølnir vann sær alt fyri eitt trygga leiðslu í fjórða setti og var á odda 8-2 og 12-5. ÍF gjørdi tó ein vørr og minkaði um munin til 17-19 og 18-20, men við trimum á rað dró Mjølnir aftur frá og vann settið 25-20.
Í gjár vann SÍ tryggan 3-0 sigur á Fleyr í Sørvági við settúrslitunum 25-17, 25-15 og 25-22.
Støðan í Polestar-deildini:
Nr. | Lið | Dystir | Settmunur | Stig |
1 | Mjølnir | 9 | 19 | 24 |
2 | SÍ | 8 | 13 | 18 |
3 | ÍF | 7 | 4 | 12 |
4 | Fleyr | 8 | -13 | 6 |
5 | Ternan | 8 | -23 | 0 |
Vinarliga broyt tínar kennifíla - og privatlívsstillingar fyri at síggja hetta innihald