Dortmund here we come!

HSF: Føroysku kvinnurnar settu seg á dystin frá byrjan, og vunnu sær trygga leiðslu. Okkara brendu tó heldur illa um miðjan fyrra hálvleik og fram til hálvleiks, og vóru tískil einans trý mál frammanfyri í hálvleikinum, 16-13. Okkara vóru tó hvassari í seinna hálvleiki, hóast venjararnir skiftu nógv út. Marianna Eystberg, Marita Mortensen og Elsa Egholm spældu nógv í bakketuni og Karin Egholm og Anna Elisabeth Weyhe á hvør sínum vongi. Tær tóktust svangar, og øktu so líðandi um leiðsluna og vóru seinastu 10 minuttirnir ein avgreiðsluspurningur. Fantasktiska áskoðarafjøldin sang “Dortmund here we come, na na na na na” og gjørdist talan um eina sanna føroyska hondbóltsveitslu í høllini við 2800 áskoðarum í Trier. Føroyar vunnu greitt, 36-25.

Sí myndir á Portalinum her.
Eftir dystin var Lív Sveinbjørnsdóttir Poulsen kosin besti leikari í dystinum av IHF og Maria Pálsdóttir Nólsoy av sona.fo. Í morgin gongur leiðin til meginumfarið í Dortmund, har Týskland, Ísland og Serbia verða mótstøðuliðini.

Málskjúttar hjá Føroyum:
Maria Pálsdóttir Nólsoy 6
Anna Elisabeth Halsdóttir Weyhe 5
Lív Sveinbjørnsdóttir Nólsoy 4
Súna Krossteig Hansen 4
Marianna Geirsdóttir Eystberg 4 (2)
Pernille Brandenborg 3
Karin Egholm 2
Jana Mittún 2
Marita Mortensen 2
Rannvá Olsen 2
Bjarta Johansen 1
Elsa Egholm 1

Dystargongdin Føroyar – Paraguei:
5 min. 3-3
10 min. 7-3
15 min. 11-7
20 min. 11-8
25 min. 13-11
30 min. 16-13
35 min. 19-14
40 min. 21-17
45 min. 26-19
50 min. 28-20
55 min. 34-25