Brúk fyri Brimli og Vón í gjár

Fyrrapartin í gjár fekk MRCC støðin eina fráboðan um, at ein útróðrarbátur hevði fingið tekniskar trupuleikar eystanfyri. Boð blivu send eftir Brimli, sum sleipaði bátin til lands.

Í gjárskvøldið fekk MRCC støðin aftur eina fráboðan at ein útróðrarbátur hevði fingið trupuleikar. Ein útróðrarbátur var uppsteðgaður norðanfyri, og hevði tí brúk fyri hjálp. Rescue Vón sleipaði bátin til lands.