Bátur fekk motortrupuleikar á Norðhavinum

Klokkan 07:11 í morgun fekk MRCC støðin í Havn eina fráboðan um, at ein bátur var uppsteðgaður á Norðhavinum. 

Báturin var tá staddur 6,5 fjórðingar noður úr Eiðiskolli. 

Boð blivu send eftir bjargingarbátinum Vón hjá Eiðis bjargingarfelag. Vón var hjá bátinum klokkan 08:22 og byrjaði at sleipa bátin til Eiðis. Klokkan 10:30 í morgun kom Vón á Eiði við bátinum.

Myndir: Eiðis bjargingarfelag.