Yvirútskiftingarnevndin fund á Strondum

Í 2004 varð á grannastevnu á Strondum samtykt, at farast skuldi undir útskifting í bygdini innangarðs, bøurin lá sera spjaddur, onkur eigari hevði 50 bøstykkir innangarðs.

Í apríl 2015 varð útskiftingarætlanin framløgd á fundi á Strondum.

Nevndin fekk fleir viðmerkingar til ætlanina.

Á fundi 30. mars 2016 kunngjørdi útskiftingarnevndin úrskurðin, kærufreistin varð sett til 30.juni 2016.

Yvirútskiftingarnevndin fekk 7 kærur, sum vórðu viðgjørdar á fundi á Strondum seinasta fríggjadag - alt var tó ikki endaliga viðgjørt, men væntast kann, at innanfyri 4 vikur fyriliggur ein endalig avgerð.

Søguligt yvirlit yvi útskifting.

Í 1926 varð viðtikin ein útskiftingarlóg, eftir at ???Landbokommissionen??? hevði sett fram uppskot um eina tílíka longu í 1911. Lógin skuldi bert galda í 5 ár, men hetta varð seinni longt. Núverandi útskiftingarlóg er frá 27. mars 1939. Hon var upprunaliga bert galdandi fyri útskifting av jørð innangarðs, men í 1950 fekk hon við smærri broytingum og ískoytum eisini gildi fyri útskifting uttangarðs.

Gøtumaðurin Líggjas Húsgarð varð settur sum formaður fyri royndarútskiftingini av Vestmanna í 1927, men málspurningurin førdi til tvídrátt millum hann og myndugleikarnar, og tí blivu tað danskir ??? landinspektørar???, ið komu at skipa fyri útskiftingunum í 1930-árunum.

Við krígsbyrjan vóru hesar bygdir útskiftar:

Eftir krígslok varð Líggjas Húsgarð aftur settur sum útskiftingarformaður, og eftir at Matrikulstovan varð sett á stovn í 1948, hava landmálarar á Matrikulstovuni verið formenn (sambært grein 5 í útskiftingarlógini).

Í 2007 varð Matrikulstovan gjørd til part av nýstovnaðu Umhvørvis¬stovuni. ??tskiftingin hevur síðani verið fyriskipað av matrikul-deildini á Umhvørvisstovuni, og landmálarar hagani hava verið útskiftingarformenn.

Hjálagda talva vísir, hvar og nær útskifting av jørð innangarðs er framd (trýst her).