2015-08-18 17:01 
Jóanis Albert Nielsen
Jóanis Albert Nielsen
Valskráin hjá Fólkaflokkinum til Løgtingsvalið 2015 leggur dent á, at kósin við vøkstri má haldast. Vit eru á rættari kós, tað vísa øll tøl og nú ræður um at halda kósini.
Ynski hjá Fólkaflokkinum er eitt frælst land; fyritreytin eru frælsir borgarar, sum ráða yvir egnum viðurskiftum ??? eisini egnum pengum.
Vinnan skal hava tryggar karmar fyri framhaldandi at hava búskaparvøkstur. Og fyri at tryggja vælferðina eigur búskapurin at vaksa skjótari enn tað almenna. Flokkurin vil býta vøksturin í trý: triðing til vælferð, triðing til at rinda skuld og triðing til skattalætta. Tað skal verða hugaligari hjá øllum at arbeiða, og tí skal skatturin hjá lág- og miðalløntum lækkast.
Á vinnuøkinum fer flokkurin framhaldandi at arbeiða fyri at tryggja vinnuni góðar umstøður, so hon verður kappingarfør og lønandi og á tann hátt kemur flest møguligum til góðar. Tá tað kemur til fiskivinnu, vil flokkurin fremja eina fiskivinnunýskipan, sum gevur vinnuni tryggar og varandi karmar.
Á familjuøkinum vil Fólkaflokkurin m.a. leingja barnsburðarfarloyvið við løn til eitt ár, har foreldrini sjálvi sleppa at velja býtið av barnsburðarfarloyvinum. Flokkurin heldur eisini at hámarkið eigur at verða endurskoðað.
Á skattaøkinum vil Fólkaflokkurin m.a. varðveita flatskattin, lækka skattin á lág- og miðalinntøkum, bæði lands- og kommunuskattin og eingin lág- og miðalinntøka skal skattast meira enn 30%.
Vinarliga broyt tínar kennifíla - og privatlívsstillingar fyri at síggja hetta innihald