Víkingur tekur frástøðu frá harðskapi

Víkingur skrivar á Facebook:

Vísandi til venjingardystinmillum HB og Víking, har tað kom til ilnar millum leikarar hjá feløgunum báðum, vil Víkingur hervið boða frá, at felagið staðiliga tekur frástøðu frá harðskapi í ítrótti og í síni heild.

Nevnd felagsins hevurviðgjørt ítøkiliga málið. Niðurstøður og avleiðingar verða ikki kunngjørdar í fjølmiðlunum, og felagið hevur ikki aðrar almennar viðmerkingar til málið.

Víkingur vónar ikki, at hendingin týskvøldið í Gundadali, og øll tann almenna umrøðan málið hevur fingið, fer at kasta neiligar skuggar yvir tað stóra og mennandi virksemið, sum verður útint í Víkingi og øllum tí føroyska fótbóltsheiminum, nú enn eitt spennandi kappingarár stendur fyri durum.

Við Ítróttarkvøðu

Nevndin í Víkingi