VÍF vann 27-26 á H71 (12-12)

 Vestmenningar vunnu ein spennandi dyst á H71 í kvøld, úrslitið gjørdist 27-26 eftir hálvleikstøðuna 12-12.

H71 legði hart út og førdi 6-0 tá ið 8 min. vóru leiktir av dystinum, vestmenningar komu ikki á máltalvuna fyrrenn 10 min. vóru leiktir, tá gjørdist støðan 6-1. Men vestmenningar drógu spakuliga inn á H71, soleiðis at máltalvan í hálvleikinum vísti 12-12.

Aftur í seinna hálvleiki byrjaði H71-betri, teir komu á odda 16-13. Tá ið 8 minuttir vóru eftir at leika førdi H71 25-20, men teir seinastu minuttirnar vóru vestmenningar flúgvandi, teir skoraðu 7 mál ímeðan H71 bert fekk tað eina málið - VÍF vann sostatt 27-26 og hava nú 6 stig, sama stigatal sum Neistin og KÍF.

H71: Ári Dam, Tórhaldur Kousker, Rúni Højgaard 4, Bogi G. Davidsen 5, Esbern Patursson, Birgir Poulsen 1, Jóans Djurhuus, Bogdan Florea 7, Sigmundur Dahl 1, Sigmundir Nolsø 3, Hallur Biskupstø 2, Tróndur Arge 3 og eina útvísing, Djóni Højgaard.

VÍF: Eli Múller, Sámal Joensen 3, Julian Olsen 3, Áki Egilnes 7 og eina útvísing, Joen P. Høgnesen, Agnar Josensen 3 og eina útvísing, Andrias Eriksen 3, Niklas Simonsen, Tóki Seloy, Hanus Christophersen 2, Filip Jojic 5 og eina útvísing, Sjúrður Nielsen 1, Sámal J. Durhuus eina útvísing, Áki G. Olsen.

Støður:

5. min 4-0

10. min 6-1

15. min 7-3

20. min 8-6

25. min 10-9

30. min 12-12

35. min 15-13

40. min 18-15

45. min 22-17

50. min 23-20

55. min 26-24

60. min 26-27

Áskoðarar: 200

Dómarar: Eyðun Samulsen og Heri Petersen.

Sí eisini >>KÍF vann 33-23 á StÍF (18-13)<<